ବିଶ୍ୱ ର ସବୁଠାରୁ ରହସ୍ୟମୟ ଏବଂ ବିଶାଳ ଗୁମ୍ଫା !

ଭିଏତନାମ : ମଧ୍ୟ ଭିଏତନାମ ର ଚୂନପଥର ପାହାଡ଼ ଭିତରେ ଏକ ବିଶାଳ ଗୁମ୍ଫା ଦେଇ ନଦୀ ପ୍ରବାହିତ ହେଉଛି । ଏହାର କିଛି ଅଂଶ ଉପରେ ଥିବା ଜଙ୍ଗଲରେ କୁହୁଡ଼ି ଲାଗି ରହିଥାଏ । ଏହି ସ୍ଥାନକୁ ବିଶ୍ୱର ସବୁଠାରୁ ବଡ଼ ଏକକ ଗୁମ୍ଫା ପଥ (Single Cave Passage) ଭାବେ ଜଣାଶୁଣା ‘ହାଙ୍ଗ ସନ୍ ଡୁଙ୍ଗ’ କୁହାଯାଏ । ଏହାର ବିଶାଳ ଭିତର ଅଂଶ ସଂକୀର୍ଣ୍ଣ ଓ ଅନ୍ଧକାରମୟ ସୁଡ଼ଙ୍ଗ ସମ୍ପର୍କରେ ଥିବା ସାଧାରଣ ଧାରଣାକୁ ବଦଳାଇ ଦିଏ । ଏହି ଗୁମ୍ଫା ଅତ୍ୟନ୍ତ ବିଶାଳ ଏବଂ ଏଥିରେ ଥିବା ଅନେକ ଅନନ୍ୟ ବିଶେଷତା ସାରା ବିଶ୍ୱର ଲୋକଙ୍କୁ ଆକର୍ଷିତ କରେ । ସନ୍ ଡୁଙ୍ଗର ସବୁଠାରୁ ବିଶେଷ କଥା କେତେଗୁଡ଼ିଏ କୋଠା ଏହା ଭିତରେ ରହିପାରିବ, ତାହା ନୁହେଁ । ଏହାର ଏକ ଅନନ୍ୟ ବିଶେଷତା ହେଉଛି, ଛାତର କିଛି ଅଂଶ ଭୁଶୁଡ଼ି ପଡ଼ିଥିବା ସ୍ଥାନ ଦେଇ ଭିତରକୁ ଆସୁଥିବା ସୂର୍ଯ୍ୟକିରଣରେ ସେଠାରେ ଉଦ୍ଭିଦ ଓ ଗଛପଲା ବଢ଼ି ଉଠିଛି। ଏହାର ଅର୍ଥ, ଏହି ଗୁମ୍ଫା ଉପର ଦୁନିଆ ସହିତ ଯୋଡ଼ି ହୋଇ ରହିଛି। ଏହା ଭୂମି ତଳେ ଥିବା ଏକ ସୌନ୍ଦର୍ଯ୍ୟମୟ ପରିବେଶ କୁ ଉପଭୋଗ କରିବା ପାଇଁ ଅନେକ ପର୍ଯ୍ୟଟକ ଏଠାକୁ ଟ୍ରେକିଂ ପାଇଁ ଆସିଥାନ୍ତି ।

ରିପୋର୍ଟ :- ଶାଶ୍ୱତ ପଟ୍ଟନାୟକ 

ଜନତା ଜାଗରଣ 

#Vietnam