ଭାରତୀୟ ନେଭି ଠାରୁ ଧକ୍କା ଖାଇବା ପରେ ଆରବ ସାଗର ରେ ନୋଟମ ଜାରି କଲା ପାକିସ୍ତାନୀ ନେଭି !

ଉତ୍ତର-ପୂର୍ବ ଆରବ ସାଗରରେ ଭାରତ ଓ ପାକିସ୍ତାନ ନୌସେନା ମଧ୍ୟରେ ବଢ଼ୁଥିବା ଉତ୍ତେଜନା ପୁଣିଥରେ ଦକ୍ଷିଣ ଏସିଆରେ ଚର୍ଚ୍ଚା ବଢ଼ାଇଛି । ଗତ ସପ୍ତାହ ରେ ଦୁଇ ଦେଶର ନୌସେନା ଜାହାଜ ମଧ୍ୟରେ ଧକ୍କା ହେବାର ଖବର ପ୍ରକାଶ ପାଇବାର ମାତ୍ର କିଛି ଦିନ ପରେ ପାକିସ୍ତାନ ଏହି ଅଞ୍ଚଳରେ ‘ଲାଇଭ୍ ନେଭାଲ୍ ଫାୟାରିଂ ଏକ୍ସରସାଇଜ୍’ ପାଇଁ ଆଧିକାରିକ ନୋଟମ୍ ଜାରି କରିଛି । ଏହି ନୋଟମ୍ କୌଣସି କ୍ଷେପଣାସ୍ତ୍ର ପରୀକ୍ଷଣ ସମ୍ପର୍କିତ ନୁହେଁ; ବରଂ ଏହି ଅଭ୍ୟାସ ସମୟରେ ପାକିସ୍ତାନ ନୌସେନା ପକ୍ଷରୁ ଗୁଳିଚାଳନା କରାଯିବ । ପାକିସ୍ତାନ ପକ୍ଷରୁ ଜାରି ଏହି ‘ନୋଟମ୍’ ଏବଂ ନାଭିଗେସନାଲ୍ ଚେତାବନୀ ପରେ ଆରବ ସାଗର ର ଏହି ସମ୍ବେଦନଶୀଳ ଜଳକ୍ଷେତ୍ରରେ ବାଣିଜ୍ୟିକ ଜାହାଜ ଗୁଡ଼ିକର ଯାତାୟାତକୁ ନେଇ ମଧ୍ୟ ସତର୍କତା ଜାରି କରାଯାଇଛି । ପ୍ରତିରକ୍ଷା ବିଶେଷଜ୍ଞ ମାନଙ୍କ ମତରେ, ସମୁଦ୍ର ରେ ଘଟିଥିବା ଧକ୍କାର ତୁରନ୍ତ ପରେ ପାକିସ୍ତାନର ଏହି ସାମରିକ ଅଭ୍ୟାସକୁ କେବଳ ଏକ ସଂଯୋଗ ବୋଲି ଦେଖାଯାଇପାରେ ନାହିଁ । ଏହା ମାଧ୍ୟମରେ ପାକିସ୍ତାନ ନିଜର ସାମରିକ ଉପସ୍ଥିତି ଦର୍ଶାଇବାକୁ ଚେଷ୍ଟା କରୁଥିବା ବିଶେଷଜ୍ଞମାନେ ମତ ଦେଇଛନ୍ତି । ଭାରତ ତୁଳନାରେ ପାକିସ୍ତାନ ନୌସେନାକୁ ଅପେକ୍ଷାକୃତ ଦୁର୍ବଳ ବୋଲି ବିବେଚନା କରାଯାଏ । ଭାରତୀୟ ଜାହାଜ ସହ ଧକ୍କା ପରେ ଏପରି ଲାଇଭ୍ ଫାୟାରିଂ ଅଭ୍ୟାସ କରିବା ଚୀନର ସାମରିକ କାର୍ଯ୍ୟ ପଦ୍ଧତି ର ଏକ ପ୍ୟାଟର୍ନ କୁ ଦର୍ଶାଉଛି ବୋଲି ମଧ୍ୟ ମତ ପ୍ରକାଶ ପାଇଛି ।

ରିପୋର୍ଟ :- ଶାଶ୍ୱତ ପଟ୍ଟନାୟକ 

ଜନତା ଜାଗରଣ 

#Arabsagar #PakNavy #IndianNavy