ୟୁକ୍ରେନ୍ ଯୁଦ୍ଧ ରେ ପାକିସ୍ତାନୀ ଅସ୍ତ୍ରର ମାନ ନେଇ ପ୍ରଶ୍ନ ଉଠିଛି , ୧୫୫ ମିମି ତୋପ ଗୋଳାରୁ ତୋପ କ୍ଷତିଗ୍ରସ୍ତ ହେଉଥିବା ଅଭିଯୋଗ !

ଦିଲ୍ଲୀ : ୟୁକ୍ରେନ୍ ଯୁଦ୍ଧ ପାକିସ୍ତାନୀ ଅସ୍ତ୍ରଶସ୍ତ୍ର ର ଗୁଣବତ୍ତା କୁ ନେଇ ଅନ୍ତର୍ଜାତୀୟ ସ୍ତରରେ ପ୍ରଶ୍ନ ଉଠାଇଛି । ପ୍ରକୃତ ରେ, ତୃତୀୟ ଦେଶ ମାଧ୍ୟମ ରେ ୟୁକ୍ରେନ୍‌ କୁ ଯୋଗାଇ ଦିଆଯାଇଥିବା ୧୫୫ ମିମି ତୋପ ଗୋଳା ଠିକ୍‌ ଭାବେ କାମ କରୁନଥିବା ଅଭିଯୋଗ ହୋଇଛି । ୟୁକ୍ରେନ୍ ସେନାର କମାଣ୍ଡର ମାନେ ଏ ନେଇ ଶୀର୍ଷ ଅଧିକାରୀ ମାନଙ୍କ ନିକଟ ରେ ଅଭିଯୋଗ କରିଛନ୍ତି । ସେମାନଙ୍କ କହିବା ଅନୁଯାୟୀ, ପାକିସ୍ତାନ ରେ ନିର୍ମିତ ତୋପ ଗୋଳା ବ୍ୟବହାର କରିବା ଫଳରେ ୟୁକ୍ରେନ୍‌ର ତୋପଖାନା କୁ ଭୟଙ୍କର କ୍ଷତି ପହଞ୍ଚିଛି । ୟୁକ୍ରେନ୍‌ ର କମାଣ୍ଡରମାନେ ଏପରିକି କହିଛନ୍ତି ଯେ, ୟୁରୋପୀୟ ଗୋଳାଗୁଡ଼ିକ ଭଲ ପ୍ରଦର୍ଶନ କରୁଥିବା ବେଳେ ପାକିସ୍ତାନରୁ ଆସିଥିବା ୧୫୫ ମିମି ତୋପ ଗୋଳା ତୋପଗୁଡ଼ିକୁ ଖରାପ କରୁଛି। ଅନେକ କ୍ଷେତ୍ର ରେ ଏହି ଗୋଳା ଆପେ ଫୁଟି ଯାଉଥିବା ଏବଂ ଆଉ କେତେକ ବିଲକୁଲ ଫୁଟୁ ନ ଥିବା ଦେଖିବାକୁ ମିଳୁଛି ।

ରିପୋର୍ଟ :- ଶାଶ୍ୱତ ପଟ୍ଟନାୟକ 

ଜନତା ଜାଗରଣ 

#Ukren #PakWeapon