ଜଣେ ସାହସୀ ମହିଳା ଅଫିସର ମଲ୍ଲୀକା ବାନାର୍ଜୀ ଙ୍କ କାହାଣୀ ।

ଜଗଦଲପୁର : ସେ ସାହସୀ ଦେଖାଯିବା ପାଇଁ ନିଜର ବେଶ ବଦଳାଇ ନ ଥିଲେ। ସେ ଏହି ପଦକ୍ଷେପ ନେଇଥିଲେ ପିଲା ମାନଙ୍କ ଜୀବନ ବଞ୍ଚାଇବା ଏବଂ ଏକ ଗମ୍ଭୀର ନେଟୱର୍କ ପଛରେ ଲୁଚିଥିବା ମାନବ ଚାଲାଣ ରାକେଟ ର ସତ୍ୟ କୁ ସାମ୍ନା କୁ ଆଣିବା ପାଇଁ । ୨୦୧୬ ମସିହା ରେ ଛତିଶଗଡ଼ ରେ ନିଯୁକ୍ତ ଥିବା IPS ଅଧିକାରୀ ମଲ୍ଲିକା ବାନାର୍ଜୀ ଙ୍କ ପାଖ କୁ କଥିତ ଭାବେ ଏପରି କିଛି ମାମଲା ଆସିଥିଲା, ଯେଉଁଥିରେ ଆଦିବାସୀ ଅଞ୍ଚଳ ର ପିଲାମାନେ ଚାକିରି ଓ ଉନ୍ନତ ଭବିଷ୍ୟତ ର ପ୍ରତିଶ୍ରୁତି ପାଇବା ପରେ ନିଖୋଜ ହୋଇଯାଉଥିଲେ। ଅନେକ ପରିବାର ଦୀର୍ଘ ସମୟ ଧରି ନିଜ ପିଲାମାନଙ୍କ ବିଷୟ ରେ ଖବର ମିଳିବା ଆଶାରେ ଅପେକ୍ଷା କରୁଥିଲେ । ରିପୋର୍ଟ ଅନୁସାରେ, ମଲ୍ଲିକା ବାନାର୍ଜୀ ଏହି ମାମଲା କୁ କେବଳ ଫାଇଲ୍‌ ମଧ୍ୟରେ ସୀମିତ ରଖି ନଥିଲେ। ସେ ସେଲ୍ସୱୁମ୍ୟାନ୍‌ ର ପରିଚୟ ଲୁଚାଇ ଗାଁ ଗୁଡ଼ିକୁ ଯାଇଥିଲେ, ପରିବାର ଗୁଡ଼ିକ ସହ କଥା ହୋଇଥିଲେ ଏବଂ ପୁରୁଣା ମାମଲା ଗୁଡ଼ିକ ସହ ଜଡ଼ିତ ପ୍ରମାଣ ଗୁଡ଼ିକୁ ଯୋଡ଼ିବା ଆରମ୍ଭ କରିଥିଲେ। ତଦନ୍ତ ଆଗକୁ ବଢ଼ିବା ସହିତ କଥିତ ଭାବେ ବେଆଇନ ପ୍ଲେସମେଣ୍ଟ ଏଜେନ୍ସି ଏବଂ ପିଲା ମାନଙ୍କୁ ଅନ୍ୟ ରାଜ୍ୟକୁ ପଠାଉଥିବା ନେଟୱର୍କ ସମ୍ପର୍କରେ ଗୁରୁତ୍ୱପୂର୍ଣ୍ଣ ତଥ୍ୟ ସାମ୍ନାକୁ ଆସିଥିଲା । ରିପୋର୍ଟ ଅନୁସାରେ, ତାଙ୍କ ପ୍ରୟାସ ଯୋଗୁଁ ୨୦ ରୁ ଅଧିକ ପିଲାଙ୍କୁ ଉଦ୍ଧାର କରିବାରେ ସହାୟତା ମିଳିଥିଲା ଏବଂ ପ୍ରାୟ ୨୫ଟି ବେଆଇନ ପ୍ଲେସମେଣ୍ଟ ଏଜେନ୍ସି ବିରୋଧ ରେ କାର୍ଯ୍ୟାନୁଷ୍ଠାନ ହୋଇଥିଲା। ମଲ୍ଲିକା ବାନାର୍ଜୀଙ୍କ କାହାଣୀ ଦର୍ଶାଏ ଯେ ପ୍ରକୃତ ପୋଲିସିଂ କେବଳ ବର୍ଦ୍ଦିର ଶକ୍ତି ନୁହେଁ, ବରଂ ସାହସ, ସମ୍ବେଦନଶୀଳତା ଏବଂ ନିରନ୍ତର ସତ୍ୟର ସନ୍ଧାନ ର ନାମ ମଧ୍ୟ ଅଟେ। ଜନତା ଜାଗରଣ ତରଫରୁ ତାଙ୍କ ର ଉଜ୍ଜଳ ଭବିଷ୍ୟତ କାମନା କରୁଛୁ ।

ରିପୋର୍ଟ :- ଶାଶ୍ୱତ ପଟ୍ଟନାୟକ 

ଜନତା ଜାଗରଣ 

#Chhatisgarh #MallikaBanarjee