ନାଇଜେରିଆ ଓଣ୍ଡୋ ରେ ବିଷାକ୍ତ ପାନୀୟ ପି ୪୮ ମୃତ !

ନାଇଜେରିଆ : ନାଇଜେରିଆ ର ଓଣ୍ଡୋ ରାଜ୍ୟ ରେ ଏକ ସ୍ଥାନୀୟ ପାନୀୟ ସେବନ କରି ଅତି କମ୍‌ରେ ୪୮ ଜଣଙ୍କ ମୃତ୍ୟୁ ଘଟିଛି। ଏହି ଘଟଣାରେ ୧୦୦ ଜଣଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ଓଣ୍ଡୋ ପୁଲିସ ର ପ୍ରବକ୍ତା ଅବାୟୋମି ଜିମୋହ କହିଛନ୍ତି ଯେ, ଘଟଣା ସମ୍ପର୍କରେ ଗିରଫ ହୋଇଥିବା ୧୫ ଜଣଙ୍କ ମଧ୍ୟରୁ ଜଣେ ବ୍ୟକ୍ତି ଏହି ପାନୀୟ ପ୍ରସ୍ତୁତ କରୁଥିଲେ। ପାନୀୟରେ ‘ମିଥାନଲ୍’ ଥିବା ସନ୍ଦେହ କରାଯାଉଛି। ଅଭିଯୁକ୍ତ ବର୍ତ୍ତମାନ ତଦନ୍ତରେ ପୁଲିସକୁ ସହଯୋଗ କରୁଛନ୍ତି ବୋଲି ସେ କହିଛନ୍ତି।

ରାଜ୍ୟର ସ୍ୱାସ୍ଥ୍ୟମନ୍ତ୍ରୀ ବାଞ୍ଜି ଅଜାକାଙ୍କ ସୂଚନା ଅନୁସାରେ, ଗତ କିଛି ଦିନ ମଧ୍ୟରେ ଓଣ୍ଡୋର ଓଡିଗ୍ବୋ ଓ ଇରେଲେ ଅଞ୍ଚଳରେ ଏହି ପାନୀୟ ସେବନ କରିବା ପରେ ଆହୁରି ୧୦୦ରୁ ଅଧିକ ଲୋକ ଅସୁସ୍ଥ ହୋଇପଡ଼ିଛନ୍ତି।

ରିପୋର୍ଟ :- ଶାଶ୍ୱତ ପଟ୍ଟନାୟକ 

ଜନତା ଜାଗରଣ 

#Nijeria #SuspiciousDrink