ଗଞ୍ଜାମ ଜିଲ୍ଲା ରେ ଗଞ୍ଜେଇ ଚୋରା ଚାଲାଣ ଧରାପଡ଼ିଲା !

 

ବ୍ରହ୍ମପୁର : ଆଜି ପୁର୍ବାହ୍ନ ପ୍ରାୟ ସକାଳ ୪ଟା ସମୟରେ ବ୍ରହ୍ମପୁର EI&EB ଟିମ୍‌ ଦ୍ୱାରା NH-16 ର ସୋରଳା ଜଙ୍କସନ୍‌ ନିକଟରେ ଗଞ୍ଜେଇ ଚୋରା ଚାଲାଣ ଧରାପଡ଼ିଛି । ଏହି ଅଭିଯାନରେ ମୋଟ ୧୧୧ କିଲୋଗ୍ରାମ ଗଞ୍ଜେଇ ଜବତ କରାଯାଇଛି ।

ଘଟଣାସ୍ଥଳରୁ

ତାମିଲନାଡୁ ନମ୍ବର ଥିବା ଗୋଟିଏ ଟାଟା ଏଇଚର କଣ୍ଟେନର,

ଓଡ଼ିଶା ନମ୍ବର ଥିବା ଦୁଇଟି ମାରୁତି ଡିଜାୟର କାର,

ଗୋଟିଏ ହିରୋ ଗ୍ଲାମର ବାଇକ,

୫ଟି ମୋବାଇଲ ଫୋନ ଜବତ କରାଯାଇଛି ।

ଏହି ଘଟଣାରେ ତାମିଲନାଡୁର କଣ୍ଟେନର ଡ୍ରାଇଭର ସହିତ ଗଜପତି ଜିଲ୍ଲାର ୫ ଜଣକୁ ଗିରଫ କରାଯାଇଛି । ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଗଜପତି ଜିଲ୍ଲାରୁ ଗଞ୍ଜେଇ ଆଣି NH-16 ମାର୍ଗରେ ତାମିଲନାଡୁକୁ ଚୋରା ଚାଲାଣ କରିବାର ଯୋଜନା ଥିଲା ।

ପଚରା ଉଚୁରା ବେଳେ କଣ୍ଟେନର ଡ୍ରାଇଭର କହିଛନ୍ତି ଯେ, ସେ କଲକାତାରୁ ଭୁବନେଶ୍ୱରକୁ ବିସ୍କୁଟ (କେକ୍) ନେଇ ଆସିଥିଲେ ଏବଂ ଫେରିବା ସମୟରେ ଗଞ୍ଜେଇ ଚାଲାଣ କରିବାକୁ ଯୋଜନା କରିଥିଲେ ।

ଏହି ଗଞ୍ଜେଇ ଚୋରା ଚାଲାଣ ରେ ଆଉ କେହି ଜଡିତ ଅଛନ୍ତି କି ନାହିଁ, ସେଥିପାଇଁ ତଦନ୍ତକାରୀ ଅଧିକାରୀମାନେ ଅଧିକ ତଦନ୍ତ ଜାରି ରଖିଛନ୍ତି ।

ରିପୋର୍ଟ :- ଗଣେଶ ପାଣିଗ୍ରାହୀ 

ଜନତା ଜାଗରଣ 

#Ganjam #Marijuana