ପ୍ରେମିକା କୁ ଭେଟିବା ପାଇଁ ଯାଇ ଖୁଣ୍ଟି ରେ ବନ୍ଧା ହୋଇ ମାଡ଼ ଖାଇଲେ ପ୍ରେମିକ !

 ଉତ୍ତର ପ୍ରଦେଶର ପିଲିଭିତ୍ ଜିଲ୍ଲାର ବରଖେଡା ଥାନା ଅଞ୍ଚଳରେ ପ୍ରେମିକାଙ୍କୁ ଭେଟିବାକୁ ଯାଇଥିବା ଜଣେ ପ୍ରେମିକଙ୍କୁ ପ୍ରେମିକାଙ୍କ ପରିବାର ଲୋକେ ବିଦ୍ୟୁତ୍ ଖୁଟିରେ ବାନ୍ଧି ନିର୍ମମଭାବେ ପିଟିଥିଲେ। ଘଟଣାର ତିନି ଦିନ ପରେ ଏହାର ଭିଡିଓ ଭାଇରାଲ୍ ହେବା ପରେ ପୀଡିତଙ୍କ ପିତା ପୁଲିସଙ୍କୁ ଲିଖିତ ଅଭିଯୋଗ ଦେଇ ଅଭିଯୁକ୍ତମାନଙ୍କ ବିରୋଧରେ କାର୍ଯ୍ୟନୁଷ୍ଠାନ ଦାବି କରିଛନ୍ତି। ପୁଲିସ ପୀଡିତଙ୍କ ପିତାଙ୍କ ଅଭିଯୋଗ ଆଧାରରେ ମାମଲା ରୁଜୁ କରି ଝିଅ ପକ୍ଷର ଦୁଇଜଣ ଅଭିଯୁକ୍ତଙ୍କୁ ଗିରଫ କରିଛି । ସୂଚନା ଅନୁଯାୟୀ, ଥାନା ଅଞ୍ଚଳର ପୌଟା କଳା ଗ୍ରାମର ୨୨ ବର୍ଷୀୟ ଆରିଫଙ୍କୁ ଖମରିଆ ଗ୍ରାମରେ କିଛି ଲୋକ ମାରପିଟ କରିଥିଲେ। ପୀଡିତଙ୍କ ପିତା ଶଫିକ୍ ଶାହ କହିଛନ୍ତି ଯେ, ତାଙ୍କ ପୁଅ ୨୪ ମାର୍ଚ୍ଚ ସନ୍ଧ୍ୟା ପ୍ରାୟ ୪ଟା ସମୟରେ ଦୌଡ଼ିବା ପାଇଁ ଘରୁ ବାହାରିଥିଲା। ସେ ସମୟରେ କିଛି ଲୋକ ତାଙ୍କୁ ରାସ୍ତାରେ ଅଟକାଇ ଖମରିଆ ଷ୍ଟେସନ୍ ନିକଟରେ ଖୁଟିରେ ବାନ୍ଧି ଲାତ-ଘୁଞ୍ଚା ଏବଂ ଲାଠିରେ ପିଟିଥିଲେ। କେମିତି ଯେ ଯୁବକ ଅଭିଯୁକ୍ତମାନଙ୍କ ହାତରୁ ଛୁଟି ପରିବାର ସଦସ୍ୟଙ୍କ ପାଖକୁ ପହଞ୍ଚି ଘଟଣା ବିଷୟରେ ସୂଚନା ଦେଇଥିଲେ ।

ରିପୋର୍ଟ :- ଶାଶ୍ୱତ ପଟ୍ଟନାୟକ

 ଜନତା ଜାଗରଣ 

#Up #pilbhit