ପୁରୀ ଜିଲ୍ଲାର ପ୍ରସିଦ୍ଧ ବ୍ରହ୍ମଗିରି ନିର୍ବାଚନ ମଣ୍ଡଳୀ ଅନ୍ତର୍ଗତ ବ୍ରହ୍ମପୁର ଗ୍ରାମ ନିକଟରେ ଅବସ୍ଥିତ ମା' ବନ ଦୁର୍ଗାଙ୍କ ପୀଠରେ ଆଜି ପବିତ୍ର ବିଜୟା ଦଶମୀ ଦଶହରା ଅବସରରେ ଏକ ଆଧ୍ୟାତ୍ମିକ ଓ ଉତ୍ସବମୁଖର ପରିବେଶ ଦେଖିବାକୁ ମିଳିଛି। ଅସତ୍ୟ ଉପରେ ସତ୍ୟ ଏବଂ ଅଧର୍ମ ଉପରେ ଧର୍ମର ବିଜୟର ପ୍ରତୀକ ଏହି ମହାନ ପର୍ବରେ ସକାଳୁ ସକାଳୁ ପୀଠରେ ପ୍ରବଳ ଭକ୍ତଙ୍କ ସମାଗମ ହୋଇଥିଲା । ବ୍ରହ୍ମପୁର ଗ୍ରାମ ସମେତ ଆଖପାଖ ବିଭିନ୍ନ ଅଞ୍ଚଳରୁ ଶହ ଶହ ଶ୍ରଦ୍ଧାଳୁ ମା'ଙ୍କ ଦର୍ଶନ ପାଇଁ ଆସିଥିଲେ ମନ୍ଦିର ପ୍ରାଙ୍ଗଣରେ ମା'ଙ୍କ ସ୍ୱତନ୍ତ୍ର ନୀତିକାନ୍ତି, ମାଜଣା, ଷୋଡ଼ଶ ଉପଚାର ପୂଜାର୍ଚ୍ଚନା ଅନୁଷ୍ଠିତ ହୋଇଥିଲା । ପ୍ରକୃତିର ଶାନ୍ତ ପରିବେଶରେ ଥିବା ଏହି ଶକ୍ତିପୀଠରେ ଭକ୍ତମାନେ ମା'ଙ୍କୁ ଦର୍ଶନ କରି ମୁଣ୍ଡିଆ ମାରିବା ସହ ନିଜ ପରିବାରର ସୁଖ, ଶାନ୍ତି ଓ କଲ୍ୟାଣ ପାଇଁ ପ୍ରାର୍ଥନା କରିଥିଲେ। ଆଜିର ଏହି ପବିତ୍ର ଦିନରେ ସମଗ୍ର ଅଞ୍ଚଳ ମା'ଙ୍କ ଜୟକାରରେ ମୁଖରିତ ହୋଇଉଠିଛି ।
ରିପୋର୍ଟ :- ପିଙ୍କୁନ ଜେନା
ଜନତା ଜାଗରଣ
#Brahmagiri #Chilika #Berhampur
Comments
Post a Comment