ପିତା ଙ୍କ ଶବ ଦାହ କରିବା ବେଳେ ପୁଅ କୁ ମାଡ଼ ଅଭିଯୋଗ !

ଚନ୍ଦୌଲି ଜିଲ୍ଲାର ରାମଗଡ଼ ନିବାସୀ ରମେଶ ସିଂହ କହିଛନ୍ତି ଯେ, ଅକ୍ଟୋବର ୯ ତାରିଖରେ ସେ ନିଜ ଭିଣୋଇ ବଂଶ ନାରାୟଣ ସିଂହଙ୍କ ଅନ୍ତିମ ସଂସ୍କାର ରେ ଯୋଗଦେବା ପାଇଁ ମଣିକର୍ଣ୍ଣିକା ଘାଟ ରେ ପହଞ୍ଚିଥିଲେ । ଏହି ସମୟ ରେ ଚୋଲାପୁର ନିବାସୀ ତାଙ୍କ ଭଣଜା ଅଭିଷେକ ସିଂହଙ୍କ ର କିଛି ଲୋକ ଙ୍କ ସହ ଯୁକ୍ତିତର୍କ ହୋଇଥିଲା ବୋଲି ସେ ଅଭିଯୋଗ କରିଛନ୍ତି । ଏହାପରେ ଉକ୍ତ ଲୋକମାନେ ତାଙ୍କୁ ଦେଖି ନେବାକୁ ଧମକ ଦେବା ସହ ଠେଙ୍ଗାବାଡ଼ିରେ ଆକ୍ରମଣ କରିଥିଲେ । ରମେଶ ସିଂହଙ୍କ ଅଭିଯୋଗ ଅନୁଯାୟୀ, ମାଡ଼ ଖାଇବା ପରେ ଅଭିଷେକ ଅଚେତ ହୋଇଯାଇଥିଲେ । ଏହି ଘଟଣା ପରେ ଘଟଣାସ୍ଥଳ ରେ ହୋହଲ୍ଲା ଓ ଆତଙ୍କର ପରିବେଶ ସୃଷ୍ଟି ହୋଇଥିଲା । ଅନ୍ୟପକ୍ଷ ରେ, ମାଡ଼ ଖାଇ ଅଚେତ ହୋଇପଡ଼ିଥିବା ଅଭିଷେକ ଙ୍କୁ ଚିକିତ୍ସା ପାଇଁ ପରିବାର ଲୋକେ ବାରାଣସୀ ର ଟ୍ରମା ସେଣ୍ଟରରେ ଭର୍ତ୍ତି କରିଥିଲେ। ଚିକିତ୍ସା ପରେ ତାଙ୍କୁ ହସ୍ପିଟାଲ ରୁ ଡିସଚାର୍ଜ କରାଯାଇଛି।
ଏହି ଘଟଣାକୁ ନେଇ ରମେଶ ସିଂହ ଚୌକ୍‌ ଥାନାରେ ଅଭିଯୋଗ କରିଥିଲେ । ଏହାପରେ ପୁଲିସ ଜଂସା ନିବାସୀ ଋଷିକେଶ ଚୌଧୁରୀ, ବାଦଲ ଚୌଧୁରୀ, ମୀର ଘାଟ ନିବାସୀ ସନି ଚୌଧୁରୀ, ବଡ଼ି ଗୈବୀ ନିବାସୀ ଗୁଡ୍ଡୁ ଚୌଧୁରୀ, ମୀର ଘାଟ ନିବାସୀ ଅନିଲ ଏବଂ ଅନ୍ୟ କିଛି ଅଜଣା ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରିଛି ।
ଏହି ମାମଲାର ତଦନ୍ତ ଦାୟିତ୍ୱ ଥାନାର ଉପନିରୀକ୍ଷକ ହିମାଂଶୁ ମିଶ୍ରଙ୍କୁ ଦିଆଯାଇଛି।

ରିପୋର୍ଟ :- ଶାଶ୍ୱତ ପଟ୍ଟନାୟକ 
ଜନତା ଜାଗରଣ 

#ManikarnikaGhat

Comments