ରାଜୌରୀ ରେ ସେନା ଏବଂ SOG ର ବିଶାଳ ସର୍ଚ୍ଚ ଅପରେସନ !

 ଜମ୍ମୁ : ଜମ୍ମୁ-କାଶ୍ମୀରର ରାଜୌରୀ ଜିଲ୍ଲାର ଥାନାମଣ୍ଡି ଅଞ୍ଚଳରେ ଆଜି ସୁରକ୍ଷା ବାହିନୀ ପକ୍ଷରୁ ଅନେକ ଗାଁରେ ଘେରାବନ୍ଦୀ ଏବଂ ତଲାସି ଅଭିଯାନ ଚାଲିଛି। ଦୁଇଜଣ ସନ୍ଦିଗ୍ଧ ଆତଙ୍କବାଦୀଙ୍କ ଗତିବିଧି ସିସିଟିଭି ଫୁଟେଜରେ ଦେଖାଯିବା ପରେ ଏହି ଅପରେସନ ଆରମ୍ଭ କରାଯାଇଥିଲା । ରବିବାର ବିଳମ୍ବିତ ରାତିରେ ସିସିଟିଭି ଫୁଟେଜରେ ଏହି ସନ୍ଦିଗ୍ଧମାନେ ରାସ୍ତା ପାର ହେଉଥିବା ଦେଖାଯାଇଥିଲା। ଏହା ପରେ ଜମ୍ମୁ-କାଶ୍ମୀର ପୁଲିସର ସ୍ପେଶାଲ ଅପରେସନ୍ସ ଗ୍ରୁପ୍ (SOG), କେନ୍ଦ୍ରୀୟ ରିଜର୍ଭ ପୁଲିସ ବଳ (CRPF) ଏବଂ ସେନା ମିଳିତ ଭାବେ ତଲାସି ଅଭିଯାନ ଆରମ୍ଭ କରିଥିଲେ । ତେବେ ଏପର୍ଯ୍ୟନ୍ତ କୌଣସି ଆତଙ୍କବାଦୀଙ୍କ ପରିଚୟ ନିଶ୍ଚିତ ହୋଇନାହିଁ। ଥାନାମଣ୍ଡି ଏବଂ ଏହାର ଆଖପାଖ ଅଞ୍ଚଳର ମୁଖ୍ୟ ରାସ୍ତାଗୁଡ଼ିକରେ ଅତିରିକ୍ତ ଚେକପୋଷ୍ଟ ସ୍ଥାପନ କରାଯାଇଛି। ସମସ୍ତ ପ୍ରବେଶ ଏବଂ ପ୍ରସ୍ଥାନ ପଥକୁ ବନ୍ଦ କରାଯାଇଛି । ଅପରେସନ ଆରମ୍ଭ ପୂର୍ବରୁ ସୁରକ୍ଷା ଏଜେନ୍ସିମାନେ ସିସିଟିଭି ଫୁଟେଜର ସତ୍ୟତା ଯାଞ୍ଚ କରିଥିଲେ । ଅଧିକାରୀମାନେ କହିଛନ୍ତି ଯେ ବର୍ଷା ସତ୍ତ୍ୱେ ତଲାସି ଅଭିଯାନ ଜାରି ରହିଛି ।

ରିପୋର୍ଟ :- ଶାଶ୍ୱତ ପଟ୍ଟନାୟକ 

ଜନତା ଜାଗରଣ 

#J&K #Terrorist #SearchOp #Janatajagaran