ଆଖି ବୁଝିଲା ପଞ୍ଜାବ ରେ ବୋରୱେଲ ରେ ଖସି ପଡ଼ିଥିବା ଶିଶୁ ନିର୍ଭୟ ସିଂହ !

 

ପଞ୍ଜାବ : ପଞ୍ଜାବ-ହରିୟାଣା ସୀମା ନିକଟ ରେ ଘଟିଥିବା ହୃଦୟ ବିଦାରକ ବୋରୱେଲ ଦୁର୍ଘଟଣା ସମଗ୍ର ଦେଶକୁ ସ୍ତବ୍ଧ କରିଦେଇଛି । ଖେଳୁଥିବା ବେଳେ ଜଣେ ନିଷ୍ପାପ ୪ ବର୍ଷର ଶିଶୁ ଖୋଲା ବୋରୱେଲରେ ପଡ଼ିଯାଇଥିଲା । ସେନା, ଏନ୍‌ଡିଆରଏଫ୍‌, ଏସ୍‌ଡିଆରଏଫ୍‌ ଓ ପ୍ରଶାସନ ପ୍ରାୟ ୧୯ ଘଣ୍ଟା ଧରି ନିରନ୍ତର ଉଦ୍ଧାର କାର୍ଯ୍ୟ ଚଳାଇଥିଲେ । ସମସ୍ତେ ପ୍ରାର୍ଥନା କରୁଥିଲେ ଯେ ଶିଶୁଟି ସୁରକ୍ଷିତ ଭାବେ ବାହାରକୁ ଆସୁ । କିନ୍ତୁ ଲକ୍ଷ ଚେଷ୍ଟା ସତ୍ତ୍ୱେ ସେହି ନିଷ୍ପାପ ଜୀବନକୁ ବଞ୍ଚାଇ ହେବା ସମ୍ଭବ ହୋଇନଥିଲା ।

ଏହି ଦୁଃଖଦ ଘଟଣା ପୁଣିଥରେ ଖୋଲା ଏବଂ ଅସୁରକ୍ଷିତ ବୋରୱେଲ ସମସ୍ୟାର ଗମ୍ଭୀରତା କୁ ସାମ୍ନାକୁ ଆଣିଛି । ଏଭଳି ଅବହେଳା ଆଉ କୌଣସି ପରିବାରର ଖୁସି ଛଡ଼ାଇ ନେବା ଉଚିତ ନୁହେଁ । ପରଲୋକଗତ ନିଷ୍ପାପ ଶିଶୁର ଆତ୍ମାର ସଦ୍‌ଗତି କାମନା କରୁଛି । ଈଶ୍ୱର ଶୋକସନ୍ତପ୍ତ ପରିବାରକୁ ଏହି ଅସହ୍ୟ ଦୁଃଖ ସହିବାର ଶକ୍ତି ପ୍ରଦାନ କରନ୍ତୁ । ଓଁ ଶାନ୍ତି

ରିପୋର୍ଟ :- ଶାଶ୍ୱତ ପଟ୍ଟନାୟକ

ଜନତା ଜାଗରଣ